၂၀၂၀ ပြည့်နှစ်အတွက် Football Black List ဂုဏ်ပြုစာရင်းတွင် မန်ယူအသင်း တိုက်စစ်မှူး ရပ်ရှ်ဖို့ဒ် ပါဝင်နေကြောင်း သိရ သည်။

Football Black List မှာ ဗြိတိန် ဘောလုံးလောကမှ လူမည်းအမျိုးသား၊ အမျိုးသမီးများကို ဂုဏ်ပြုခြင်းဖြစ်ပြီး ၂ဝဝ၈ ခုနှစ်မှစ၍ နှစ်စဉ်ထုတ်ပြန်လျက်ရှိသည်။

အင်္ဂလန်လက်ရွေးစင်တိုက်စစ်မှူး ရပ်ရှ်ဖို့ဒ်သည် ယခုနှစ် Football Black List  စာရင်း၏ “ကစားသမား” အမျိုးအစားတွင် ဗီလာ အသင်းနောက်ခံလူ တိုင်ရုန်းမင်းစ်၊

ပဲလေ့စ်အသင်း တောင်ပံကစားသမား ဇာဟာ၊ ဝက်ဖို့ဒ်အသင်း တိုက်စစ်မှူး ဒီးနီ၊ ပဲလေ့စ်အမျိုးသမီးအသင်းကစားသမား မော်ဂန်တို့နှင့်အတူ ပါဝင်နေခြင်းဖြစ်သည်။

ထို့ပြင် BBC သတင်းဌာနကလည်း ဒီဇင်ဘာ (၂၀) ရက် ကျင်းပမည့် BBC Sports Personality ဆုချီးမြှင့်ပွဲ အခမ်းအနားတွင် ရပ်ရှ်ဖို့ဒ်အား

အထူးဆုပေးအပ်ချီးမြှင့်မည်ဖြစ်ပြီး ဆင်းရဲချို့တဲ့သည့် ကလေးများအတွက် စာသင်ကျောင်းများ၌ အခမဲ့ကျွေးမွေးမှုအစီအစဉ် ဆက်လက်ဆောင်ရွက်ရန် အစိုးရအား တွန်းအားပေးနိုင်ခဲ့သည့်အကြောင်း ရိုက်ကူးထားသည့် မှတ်တမ်းရုပ်ရှင်ကိုလည်း ပြသမည်ဖြစ်သည်။

မန်ယူတိုက်စစ်မှူး ရပ်ရှ်ဖို့ဒ်သည် ယခုနှစ်အတွက် MBE ဘွဲ့လည်း ချီးမြှင့်ခံရမည်ဖြစ်ကြောင်း သိရသည်။

EL

Leave a Comment

Your email address will not be published.